पेट्रोलसाठी पंपांवर रांगाच रांगा! मनमाड डेपोतून पुरवठा विस्कळीत, अमळनेरात साठेमारीला उधाण; जिल्हा प्रशासनाने लक्ष घालण्याची मागणी.?

अमळनेर : अमळनेर शहरात गेल्या काही दिवसांपासून पेट्रोलच्या कृत्रिम तुटवड्याने आणि गोंधळाने गंभीर परिस्थिती निर्माण झाली आहे ? मनमाड डेपोतून पेट्रोलचा पुरवठा विस्कळीत झाल्याने शहरातील पेट्रोल पंपांवर ग्राहकांची मोठी झुंबड उडत आहे. इंधन संपेल या भीतीने नागरिकांमध्ये साठेमारी सुरू झाली असून, एरवी केवळ ५० रुपयांचे पेट्रोल भरणारे नागरिक आता थेट १००० रुपयांचे पेट्रोल साठवून ठेवत असल्याचे धक्कादायक वास्तव 'लोकमन न्यूज'च्या ग्राऊंड रिपोर्टमधून समोर आले आहे. प्रशासनाच्या दुर्लक्षामुळे ही परिस्थिती चिघळत असून, जनतेमध्ये तीव्र संताप व्यक्त होत आहे.

मनमाड डेपोतून पुरवठा विस्कळीत, पंपांवर गोंधळ?

गुरुवारी 'लोकमन न्यूज'च्या प्रतिनिधींनी शहरातील पेट्रोल पंपांची प्रत्यक्ष पाहणी करून वस्तुस्थिती जाणून घेतली. यावेळी शहरातील 'बोहरी पेट्रोल पंप'च्या मालकांनी दिलेल्या माहितीनुसार, मनमाड येथील डेपोमधून पेट्रोलचा पुरवठा अत्यंत विस्कळीत झाला आहे. इंधनाचा साठा वेळेवर उपलब्ध होत नसल्याने हा गोंधळ उडाला असून, यामुळे पंपांवर गर्दी वाढली आहे. त्यातच पेट्रोल मिळत असल्याने नागरिक गरजेपेक्षा जास्त पेट्रोल खरेदी करत असल्याचे चित्र आहे, ज्यामुळे कृत्रिम टंचाई आणखी वाढली आहे.

बंद पंपांमुळे प्रमुख पंपांवर ताण, कामगार हवालदिल

दुसरीकडे, शहरातील 'एक पेट्रोल पंप गेल्या ६ ते ७ दिवसांपासून पूर्णपणे बंद अवस्थेत आहे? 'लोकमन न्यूज'च्या पाहणीत तिथे केवळ कामगार बसून असल्याचे निदर्शनास आले. बंद असल्याचा थेट आणि मोठा ताण शहरातील 'प्रमुख पेट्रोल पंप'वर पडला आहे. प्रमुख पेट्रोल पंपावरील कामगारांनी सांगितले की, एक पेट्रोल पंप बंद असल्याने येथे ग्राहकांची प्रचंड गर्दी होत आहे आणि त्यातच लोक भीतीपोटी जास्त पेट्रोल खरेदी करत असल्याने परिस्थिती हाताळणे कठीण होत आहे. मनमाड डेपोचा पुरवठा खंडित असल्याच्या वृत्ताला त्यांनीही दुजोरा दिला.

जनतेचा तीव्र रोष: प्रशासनावर निष्क्रियतेचा आरोप?

इंधनाच्या या अभूतपूर्व गोंधळामुळे सामान्य जनतेमध्ये तीव्र संताप व्यक्त केला जात आहे. पेट्रोल पंपांवरील वाढती गर्दी, होणारी साठेमारी आणि संभाव्य कायदा-सुव्यवस्थेचा प्रश्न ? पाहता, सन्माननीय जिल्हाधिकारी साहेब आणि स्थानिक पोलीस प्रशासनाने यात तातडीने लक्ष घालून ठोस उपाययोजना करण्याची आक्रमक मागणी जनतेतून होत आहे. प्रशासनाच्या या ढिसाळ कारभारामुळे ?शहरात समाजकंटकांना डोके वर काढण्याची सुवर्णसंधी? मिळाली असून, कायदा व सुव्यवस्थेचा प्रश्न निर्माण होऊ शकतो?

तसेच, इंधनासारख्या जीवनावश्यक बाबीचा असा तुटवडा निर्माण झाल्याने नागरिकांमधून थेट केंद्र सरकारच्या धोरणांवर कडाडून टीकाटिपणी केली जात आहे? विरोधकांनाही या निमित्ताने सरकारवर निशाणा साधण्याची संधी मिळाली आहे? प्रशासनाने वेळीच पावले न उचलल्यास अमळनेर शहरात या प्रश्नावरून मोठा उद्रेक होण्याची शक्यता नाकारता येत नाही, असे 'लोकमन न्यूज'च्या प्रतिनिधी अनिल चौधरी, निंब यांनी नमूद केले.