नागोठण्यात पत्रकारांची रंगली 'पोपटी' मैफिल; शामकांत नेरपगार यांच्या निवासस्थानी पाहुणचाराचा थाट.

कोकण म्हटलं की निसर्गरम्यता आणि इथल्या माणसांचं अगत्य ओघानेच येतं. सध्या रायगड जिल्ह्यात या थंडीच्या मोसमात एका विशिष्ट सुगंधाने सगळ्यांना वेड लावलं आहे, तो म्हणजे 'पोपटी'चा घमघमाट! लग्नाकार्याप्रमाणेच आता 'पोपटीला या' अशी प्रेमळ आमंत्रणे कोकणात ठिकठिकाणी ऐकायला मिळत आहेत, जी कोकणच्या समृद्ध संस्कृतीचा आणि एकत्रपणाचा प्रत्यय देतात.

नेरपगार परिवारात रंगली मैत्रीची मैफिल

अशाच एका अविस्मरणीय 'पोपटी' मैफिलीचा अनुभव नुकताच नागोठणे येथील झुंजार व ज्येष्ठ पत्रकार शामकांत नेरपगार यांच्या निवासस्थानी आला. या स्नेहमिलनात, लोकमन न्यूज चे पत्रकार अनिल चौधरी निंब, अनिल दुसाने, विष्णू सोनवणे यांच्यासह अनेक मान्यवर उपस्थित होते. सौ. हेमलता नेरपगार आणि सोनु ताई यांच्या आतिथ्याने या पार्टीला घरगुती मायेची ऊब मिळाली. पत्रकार जावई सुनीलजी कोकळे यांनी पोपटी बनवण्यात मोलाची मदत केली, तसेच उपस्थित मान्यवरांना पाली गणपतीचे दर्शनही घडवले. यावेळी डॉ. धोत्रक, राष्ट्रवादी काँग्रेसचे दिलीपभाई टके आणि ॲड. महेश सर यांच्या उपस्थितीने या सोहळ्याची रंगत आणखीनच वाढली.

काय आहे ही 'पोपटी'?

विदर्भात जसा 'हुर्डा' प्रसिद्ध आहे, तशीच रायगडची शान म्हणजे 'पोपटी'! ही केवळ एक मेजवानी नसून, गप्पागोष्टी, सुख-दुःखाची देवाणघेवाण करणारी एक खास 'मैफिल' असते, जिथे मातीचा आणि माणूसकीचा सुगंध दरवळतो.

निडीच्या 'गावठी वालाचा' दबदबा

पोपटीसाठी लागणाऱ्या वालाच्या शेंगांमध्ये मुंबई-गोवा महामार्गावरील निडी गावच्या शेंगांना संपूर्ण महाराष्ट्रात विशेष मागणी आहे. येथील जमिनीचा कस आणि पारंपरिक बियाण्यांमुळे या शेंगांना एक वेगळीच गोड चव लाभते. सध्या बाजारात या उच्च प्रतीच्या शेंगांना १०० ते १२० रुपये प्रति किलो असा दर मिळत आहे.

पोपटी कशी बनवावी? (Quick Guide)